Спорт мэдээ

Аса аварга түрүүлчихээд баяр хөөрөө илэрхийлэн гараа өргөснийг YDC-ийн хурлаар нэлээн шүүмжилсэн сурагтай. Ганц Такахико Цурута л энийг тоогоогүй бололтой. "Asashoryu has really done well this basho. Personally I wasn't bothered by his 'manner' (after the yusho kettei-sen). I'd like to do my best to serve as the new chairman so that all sekitori can display their best sumo." Япончуудын хэлж ярьж байгаагаар бол ёс заншил зөрчиж байгаа юм байх. Жишээ япончууд Монгол очоод монгол бөхөөр барилдаад бас адилхан гараа савчаад байвал монголчууд дургүйцнэ шүү дээ гэсэн аргумент гаргаж тавьж байна. Манай бөхөд тийм заншил байгаагүй л дээ. Гэхдээ бөхчүүд түрүүлэхээрээ хааяа тэгдэг. Тэрнийг нь бид нэг их асуудал болгоод яриад байсныг санахгүй л юм байна.

Австралийн нээлттэй тэмцээн ихэд сонирхолтой болж байна. Өнөө өглөө Федерер Роддикыг 3-н сетээр хожсоноор шигшээд үлдлээ. Нийтдээ 18 тоглосноос Федерер манай америк залууг 16-д нь хожсон байгаа юм. Харин финалд Федерерийн эрлэг болсон (12:6, Надал тэргүүлж байгаа) дэлхий нэг номер Рафа бараг хүлээж байгаа болов уу даа. Вердаско бүр тийм сайн байна гэж харагдаагүй. Цонга харин их муу тоглосондоо хожигдчих шиг болсон. Эмэгтэйчүүдийн хэсэгт Серена, Дементьева хоёр харин алалцсан даа. Хоёулаа хүчтэй цохилттой тоглогчдыг хэлэх үү. Буудаад л буудаад л. Серена сайн байна лээ, Дементьеваг талбайгаас гартал буудсан даа. Сафина бүр гайхамшигтай тоглодоггүй юм бол Серена 10 дахь аваргын дуулгаа авч "өмсөх" нь дээ. Сафина гэхдээ хүчтэй харагдаж байна лээ. Бараг л ах Марат Сафинг эмэгтэй болгочихсон юм шиг биерхүү бадриун байна лээ. Хагас шигшээд 3 орос бүсгүй үлдсэн гээд харахад оросуудын давамгайлал хүчтэй хэвээр байна шүү. Дээр нь Сербийн хоёр бүсгүйг (Янкович, Иванович) нэмчихээр славян бүсгүйчүүд теннисийн талбайг нийтэд нь эзлэн ноёрхож байна. Дунд нь барууныхан гэхээр америкийн алдарт эгч дүү бакиуд л байна лоо. За тэгээд энэ хоёрын ялсан нь түрүүлэх төдийгүй дэлхийн нэг номер болно гэсэн. Би хувьдаа Марат найзыгаа дэмждэг байсан болохоор дүүг нь дэмжиж байгаа.

Онигоо

Ленин үхжээ. Бурхан шүтдэггүй ч гэсэн сайн хүн байсан болохоор нь диваажин там хоёрт жил жилээр ээлжилж байлгахаар болжээ. Жилийн дараа Сатан диваажинд очоод:
- Хөөе Бурхан, нөгөө Ленинг авахаар ирлээ. За тэгээд сонин сайхан юу байна даа. Яриад байгаарай.
- Нэгд би зүгээр Бурхан биш Нөхөр Бурхан. Хоёрт би их яарч байна. Төв хорооны хурлаас хоцрох нь.

2 индиан ярилцаж сууна.
- Манай эхнэр үс хагтаад байна гээд үглээд. Одоо больсон л доо.
- Тэгээд яасан? Head and Shoulders авч өгөв үү?
- Үгүй ээ. Хуйхыг нь хуулчихсан.

7 сарын нэгний үймээн. Цагдаагийн салаан дарга гудамжинд яваа хүнийг зогсоогоод асууж байна.
- Үймээнд оролцсон уу?
- Тэгсэн.
Цагдаа нарт хандан
- Наадхаа хурдан машинд ачаад!
Дараагийн хүнийг зогсоогоод
- Үймээнд оролцсон уу?
- Ёстой үгүй шүү. Би зүгээр гэртээ харьж яваа хүн байна.
- Наадхаа хурдан үймээнд оролцуулчихаад машинд ачаад!

Эрт дээр цагт Чукча нарын нутагт нэгэн маш ухаалаг хүүхэд төржээ. Хүүхэд байхдаа л сэтгэн бодох чадвар, амьдрах ухаанаараа бусдаас хол давуу байсан тул алс нутгийн нэгэн арал уруу цөлж гэнэ. Япон үндэстний уг гарал үүсэл ийм түүхтэй ажгуу.

90-ээд оны шилдэг дуунуудаас... №7

Ирландын алдарт U2 хамтлагийг хөгжмийн түүхэнд хамгийн айконик хамтлаг байсан гэхэд нэг их буруудахгүй биз. 30 гаруй жил оршин тогтнож буй энэ агуу хамтлагийн тухай энд би хэдхэн мөрөнд юу бичив гэж. Ганц хоёр сонссон сонирхолтой юм байвал дурдчихъя.

- Боногийн нэрийг хэд хэдэн удаа Нобелийн энх тайвны шагналд дэвшүүлсэн гэж ярьдаг. Хэдий албан ёсны биш ч гэсэн дуучин хүний хувьд бас нэгэн гайхалтай үзүүлэлт гэж бодож байна. Тэрээр африкийн тив дэх ядуурал, ДОХ-ын эсрэг олон улсын төрийн бус байгууллагын үүсгэн байгуулж байжээ.

- Paul david Hewson-ы Боно гэдэг хоч нь Bono Vox буюу сайхан хоолой гэсэн латин үгнээс гаралтай аж. Их л зохисон хоч байна даа.

- Их Британий хатан хаан Элизабет II Боног Морьтон хүлэг баатарын (Honorary Knighthood) цолоор шагнасан, харин Элтон Жон шиг Сэр цол аваагүй нь мань эр Ирландын иргэн буюу Их Британид хамаардаггүйтэй холбоотой гэнэ.

Ингээд U2 хамтлагийн One гээд хит болсон дууг нэг дурсаад сонсоорой.

Youtube in High Definition 720p

Youtube өргөн дэлгэцийн болоод удаагүй байтал HD гаргадаг болчихлоо. High Definition 720p нь видеоны хувьд: MPEG4 Video (H264) 1280x720 30.00fps, аудиогийн хувьд AAC 44100Hz stereo 1411Kbps гэсэн үзүүлэлттэй тул маш өндөр чанартай видео үзүүлэх аж. За энийг бараг өөрсдөө үзчихэд мэдрэгдэх байхаа даа. Энд дарж сая болж өнгөрсөн Хацу башогийн плей-оффын барилдааныг HD форматаар үзэж сонирхоорой. Телевизээр үзсэнээс бараг илүү тод харагдаж байна лээ. Асашорю сайхан давж түрүүлж биднийгээ баярлуулсан шүү. Энэ блог дээрээс уншиж уг форматаар байгаа видеог хэрхэн хадгалж авахыг сурч аваарай. Мэдээж чанар сайжрах тул татаж унших хугацаа ихсэнэ гэсэн үг. Гэхдээ зарим нэг харагддаггүй зүйлийг харахад хэрэг болно. Жишээ нь шайб, бөмбөг харагдахгүй уур хүргэдэг. Энд дараад харагдах эсэхийг туршаад үзээрэй.

HQ (high quality)-ийн хувьд гэвэл видеоны холбоосон дээр &fmt=18 гэж нэмж үзэж болдог. Гэхдээ үнэхээр цаад видео нь нарийвчлал муутай байсан бол энэ бүтэхгүй л дээ. watch in high quality гэсэн линк дараад үзчихийн оронд ингэж зовох хэрэг юу байна гэвэл зарим дээр ийм линк байхгүй боловч HQ дээр байдаг.

Цагаан сарын маргааны тухай

Тэр зурхай энэ тэрийг нь сайн мэдэхгүй юм байна. Солонгос, Хятад өнөөдөр тэмдэглээд Монгол, Түвд хоёр л хоёр сард гээд байгаа юм аа даа. Миний бодлоор Хужаагийн хуанли, Түвдийн хуанли хоёр аль аль нь зөв болоод л хүмүүс нь хэрэглээд байгаа юм шиг. Өмнө нь нэг өдрөөр зөрөхөд Төгс буянтын зурхай илүү таарч байх шиг санагдсан, тэрийгээ бариад явбал яасан юм бэ. Шашин соёлын хувьд бид Түвдэд илүү ойрхон, бас хужаатай тааруулж хар хүйтэнд цагаан сар хийж байхаар хоёр сардаа л хийе л дээ. Ер нь гадаа бол хавар болж байгаа шинж zero байна даг. Бас тэр цагаан сар буруу өдөр хийвэл гай гамшиг ирнэ гэдэг бол жинхэнэ "бухын баас" гээд хэлчихье. Социализмийн үед шинэ жилээр хүртэл золгоод л байсан даг. Гай гамшиг болоод байсныг нь санадаггүй ээ.

Онигоо

Арго багш өөдрөг амьдрах тухай сургааль айлдана. Лекцэнд оролцогчдод асуулт тавьж байна гэнэ.
- Гадаа явж байтал толгой дээр шувуу баавал та нар яах вэ?
Нэг залуу
- Пизда л гэж хараах байх даа.
- Буруу байна. Үхрийг нисдэг болгоогүйд бурхан тэнгэрт талархал илэрхийлэх хэрэгтэй.

Нэг замын цагдаа гэртээ иртэл эхнэр их л удаж удаж хаалгаа нээж гэнэ. Мань эр орон доогуур харснаа
- Энд алга.
Ширээн доогуур харснаа
- Энд алга.
Шкаф нээтэл урдаас нь нэг гар 20 цаас сарвайж байна гэнэ. Мөнгийг авснаа
- Энд ч бас алга.

Нэг залуу онигоочин найзаасаа онигоо яаж сайн мэддэг ярьдаг болох вэ гэж асууж нөгөөх нь:
- Гадны онигоо олж унш. Дараа нь монголчил. Жишээ нь: Путины тухай онигоог Энхбаярын тухай болгож болно. Чи нэг оролдоод үз дээ.
Манай залуу хэсэг бодож байснаа:
- Дэлгэрмөрөнг дүүжлэв.
гэжээ.

Нэг эр цахилгаан багажны дэлгүүрт хөрөө барьж ороод гомдол тавьж байна.
- Энэ хөрөөг танайхаас уржигдар авахад өдөрт 10 метр куб мод хөрөөдөж бадна гээд байсан. Өчигдөр би зовж зовж 5 метр кубыг хөрөөдлөө.
Худалдагч хөрөөг аваад асаатал гайхсан эр:
- Үгүй энэ чинь юу хүржигнээд эхлэв ээ?

Федерер - Теннис тоглож буй бурхан

Хэдий Род Лавер, Рой Эмерсонг сайн мэдэхгүй ч Борг, МкЭнроегийн хуучин бичлэгүүд, Пит, Агасси, Беккер зэрэг агуу тоглогчдын тоглолтыг үзэж ирсний дараа Пистол Питийг хамгийн гайхалтай теннисчин гэж боддог байлаа. Дараа нь Федерерийн эрин үе эхлэхэд энэ бодол маань өөрчлөгдсөн гэж хэлж болно. Түүний тоглож байгааг харахад Жордан сагс, Тайгер гольф, Мара ах хөл бөмбөг тоглож байх үед төрөх мэдрэмж төрөх аж. Доорхи видеог үзвэл та бүхэнд ч тэгж санагдах буй заа. Хараад байхаар теннис тоглох амархан ч юм шиг. Гэхдээ үгүй юм аа. Федерер теннис тоглохыг ийм амархан мэт харагдуулдаг аж. Энэ жил Федерер нэг номероо буцаан авч дахин олон гранд сламд түрүүлэх жил болтугай.

Benny Lava

Benny Lava-гийн жинхэнэ нэрийг Prabhu Deva Sundaram гэх бөгөөд өөрийн бүжгийн авьяас чадвараараа, хурдан хэмнэлтэй бүжгүүдээрээ Өмнөд Энэтхэгийн Тамил нутгийн кино од болон Энэтхэгийн Michael Jackson гэгддэг нэгэн аж. Энэтхэг кинонууд одоо хүртэл эмэгтэйчүүдийн бүжгийн багийг гол дүрийн эмэгтэй, эрэгтэй багийг эрэгтэй нь толгойлон ээлжлэн эсвэл хослон бүжих стиль нь түгээмэл хэвээр агаад Benny Lava үүнийг маш сайн хийдэг. Гэхдээ энд тэр бүжгийнх нь тухай бус яагаад Benny Lava болчихсон гэдгийг сонирхуулах гэлээ. Youtube дээр Buffalax гэгдэх Mike Sutton гэгч нэгэн залуугийн нэг найз нь та бүхний мэддэг Германы Чингис Хаан хамтлагийн Москва дууг сонсоод энэ дууны үгийг ойлгодог ч болоосой дагаад дуулахсан гэж. Mike герман хэлнээс үгийг нь орчуулах, хэллэгийг нь сурах ажлыг хэт хүнд гэж үзээд ер нь яг сонсогдож байгаагаар нь англи хэл дээр "орчуулчихъя" гэж бодоод үүнийгээ хийсэн нь маш их амжилт олж улмаар "Kalluri Vaanil" гэдэг Тамил хэлээр дуулсан дуунд англи "үг" оруулжээ. Өөрөөр хэлбэл дээр үед Ламбада гээд дууг монголчууд "Баярсайхан мөөмөө унжуулаад" гэж дуулдаг байсантай яг адилаар. Дууны эхний мөр нь "Kalluri vaanil kaayndha nilaavo?" байсныг "My loony bun is fine, Benny Lava!" (монголоор бол Бенни Лава, миний солиотой өгзөг дажгүй шүү) гэж англичласнаас болоод хөөрхий Prabhu Deva интернетийн ертөнцөд Benny Lava болон алдаршжээ.
Англи "үг" нь маш утгагүйгээр хөгжилтэй болж чадсан бөгөөд хамгийн гол нь цаад дуучны хэлээд байгаа үгэнд маш сайн тохирсон болохоор зарим хүн халти үзчихээд "энэ энэтхэгүүд чинь англиар их муухай аялгатай ярьдаг ч үнэн шүү, харин энэ дууных нь үг нь ямар утгагүй байдаг юм бэ? Бид сайн анхаарч сонсдоггүй байсан болохоор мэддэггүй байж" гэж хэлсэн тохиолдол ч бий. За тэгээд Benny Lava-г Buffalax-дсан видеог үзээрэй. Миний хувьд хамгийн хөгжилтэй мөрүүд нь:
Have you been high today? (Өнөөдөр чи хар тамхинд мансуураа юу?)
I see the nuns are gay! (Энэ гэлэнмаанууд чинь ижил хүйстнүүд байна шт)

Зөрлөг (үргэлжлэл)

Зөрлөг кинотой холбогдолтой өөрийн олсон мэдээлэл болон линкүүдийг орууллаа.

Кино компани - ЗМН
Студи - Монгол фильм
Найруулагч - Ч.Ганзориг












Туслах найруулагч - С.Баттулга, Ц.Ганбат
Ерөнхий зураглаач - Г.Баттулга
Дууны найруулагч - Н.Төгсөө
Ерөнхий зураач - Н.Отгонбат
Эвлүүлэгч - Ч.Хоролдорж
Техникчид - Г.Дарханбаяр, Г.Дарханбат
Нүүр хувиргагч - Ц.Дэлгэр

Дүрүүдэд:
Гэрэлээ - Т.Хулан












Манлай - Б.Батзаяа












Тайванаа - С.Баттулга







Гэрэлцэцэг - Дуучин Нара








Сэдвийн хувьд төстэй кино гэдэг нь Walk in the Clouds (1995). Keanu Reaves тоглосон.


Линкүүд:
Агшин (Фото зургуудтай. Тун дажгүй!)
Сонин
Ардчилал сонин дээр гарсан шүүмж
Хантулга
Орбинзоон
Эрхэмбаяр
Янзагахан
Life is Wonderful
Бүгдээрээ
Хулангийн ярилцлага
Энхбаяр
UB Times
TuLGa'z
Амжилт
ITISMOVIE
Өндөгдө
Зовлонгоос би нулимсаа харамлана
Технологи ба эрх чөлөө
Soulmate
MNED

"Зөрлөг" уран сайхны кино

Өнгөрдөг хагас сайнд хань ижилтэйгээ танилцсаныхаа 10 жилийн ойг тэмдэглэхийн далимд энэ киног Тэнгист очиж үзлээ. Сэдвийн хувьд бол шинэ зүйлгүй. Нэг цэрэг нэг айлд охиных нь сүйт залуу болж жүжиглээд л байдаг америк кино байдаг даа. Тэгэхээр киноны эхлэлийг үзсэний дараагаар яаж дуусах нь бол гэдгийг харьцангуй таамаглахад хялбар талдаа байсан. Зураг авалтыг нэлээн боломжийн сайн камер, хальс энэ тэр ашиглаж хийсэн бололтой, бараг нэг тийм сонирхогчийн камерээр кино хийчхээд байдаг үеийн кинонуудын хажууд өөр түвшинд байсан. Өөрөөр хэлбэл дүрс, дууны хувьд уран сайхны кино үзэж байна гэсэн мэдрэмж төрүүлж байна лээ.

Жүжигчдийн хувьд сонголт их сайн хийгдсэн санагдсан. Манлайгийн дүр орчин үеийн хотын хүмүүжилтэй залуугийн дүрийг яг л гаргасан. Гэрлээгийн дүр гайхалтай сайн биш ч гэсэн хийх ажлаа хийж чадсан дүр болсон байна лээ. Гол дүрүүдийн хоорондын диалогууд маш боломжийн үнэмшилтэй болж чадсан нь маш олзуурхууштай. 90-ээд оноос хойш гарч нэг л хиймэл яриатай жүжигчдийг харсаар байгаад залхсан гэх үү дээ. Гэхдээ энэ кинонд хамгийн чухал дүр нь Тайванаа ахын дүр бөгөөд хэдий туслах дүр ч гэсэн бараг бүх үйл явдлын холбоосыг уг дүр гаргаж, жүжигчин нь ч их сайн тоглосон санагдсан. Браво!
Найруулагч болон кино зохиолчийг бас орхиж болмооргүй байна. Киноны үйл явдлуудын дараалал, холбоосуудыг маш зөв, сайн бодож гаргасан байсан болохоор нэг тийм утгагүй гэх юм уу, эсвэл залхуураад аргалчихсан хэсэг бараг байхгүй, өөрөөр хэлбэл үзэгчдийн анхаарал сонирхлыг аянд нь дагуулаад явчихаар хөөрхөн кино болсон байна лээ. Бас нэг санасан зүйлээ хэлэхэд Зөвлөлтийн алдарт кино найруулагч Эльдар Рязановын стиль өөрөөр хэлбэл эгэл жирийн амьдралын зүйлсийг хөгжилтэйгээр харуулж чаддаг чадвар харагдсан. Энийг найруулагчид хэлж буй комплимент гэх ойлгож болох юм. За тэгээд Та бүхэн очиж үзээрэй.